E piha tōro'a te Piha Pāpa'i parau rahi i ha'amauhia i te CESEC, e fa'aterehia nā te hō'ē pāpa'i parau rahi fa'atōro'ahia nā roto i te hō'ē fa'aotira'a a te 'Āpo'ora'a fa'aterehau i muri mai i te anira'a i te mana'o a te Peretiteni nō te CESEC.
E tauturu teie nei piha tōro'a i te mau 'ohipa a te Pū manafa'atere.

Teie tā na 'ohipa :

• tauturu i te mau mero i roto i tā rātou mau tuatāpapara'a 'e i roto i te pāpa'ira'a i te mau parau tuatāpapa 'e hōmana'o a te 'Āpo'ora'a ;

• fa'anaho i te mau rurura'a, pāpa'i i te mau parau tuputi'a 'e te mau parau tuatāpapa 'e hōmana'o ;

• rave i te tā'ato'ara'a o te mau 'ohipa tāpura faufa'a a te Pū manafa'atere 'e tō na fa'a'ohipara'a ;

• rave i te mau 'ohipa pāpa'ira'a parau, fāri'ira'a i te nūna'a 'e te mau mero, niuniu parauparau, rata 'e nene'i hoho'a.

E rave 'ohipa a te fa'aterera'a 'ohipa a te Hau nō Pōrīnetia farāni teie e vai nei i roto i teie nei piha tōro'a, i tonohia i te CESEC 'e, e ti'a'auhia 'ia au i te mau fa'ata'ara'a e vai nei i roto i tā rātou papa ture tāta'i tahi.